අනගාරික ධර්මපාල තුමාගේ 156 වන ජන්මදින සැමරුම ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් සැමරේ

2020-09-18 09:24:00       1047
feature-top
ශ්‍රීමත් අනගාරික ධර්මපාල තුමාගේ 156 වන ජන්ම දින සැමරුම ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් මාළිගාකන්ද අග්‍ර බෝධි ශ්‍රාවක මහා විහාරස්ථානයේදී දී ඊයේ(17 ) දින සමරන ලදී. එම අවස්ථාවට සපැමිණි ජනාධිපති තුමාව පිළිගනු ලැබුවේ මහා බෝධි සංගමයේ වත්මන් සභාපති පූජ්‍යය බානගල උපතිස්ස හිමියන් විසිනි.

විහාරස්ථාන භූමියේ ස්ථාපිතව තිබෙන අනගාරික ධර්මපාල පිළිරුවට පුෂ්පෝහාර දැක්වූ ජනාධිපති ගෝඨාභය රාජපක්ෂ මහතා දේශීය වෛද්‍යය කටයුතු ප්‍රවර්ධනය කිරීමේ අමාත්‍යාංශය විසින් දියත් කරනු ලබන “සුව ධරණී” වැඩසටහනෙහි ආරම්භය සනිටුහන් කරනු පිණිස විහාරස්ථ භූමියේ රත් හඳුන් පැලයක් රෝපනය කරණු ලැබීය.

ඉන් අණතුරුව අනගාරික ධර්මපාල තුමන්ගේ ඥාතියකු වන සුධම්මික හේවාවිතාරණ මහතා විසින් අනගාරික ධර්මපාල තුමාගේ රුව ඇතුලත් සමරු සටහනක් ජනාධිපති ගෝඨාභය රාජපක්ෂ මහතා වෙත පිරි නැමුණි.
මහ බැංකුවේ අධිපති මහාචාර්ය ඩබ්ලිව් ඩී ලක්ෂමන් මහතා විසින් රුපියල් පන්සියයක් වටිනා අනගාරික ධර්මපාල තුමාගේ රුව ඇතුලත් සමරු කාසියක් ජනාධිපති ගෝඨාභය රාජපක්ෂ මහතා වෙත පිරි නැමීමද විශේෂත්වයකි.

උත්සව අවස්ථාවට ඉත්තෑපානේ ධම්මාලංකාර හිමිපානෝ , අමාත්‍යය දිනේෂ් ගුණවර්ධන, අමාත්‍යය සිසිර ජයකොඩි, රාජ්‍යය අමාත්‍යය නාලක ගොඩහේවා මෙන්ම එක්සත් ජාතික පක්ෂයේ නියෝජ්‍යය නායක රුවන් විජේවර්ධන මහතාද සහභාගි වූහ.

More News »