යහපාලකයෝ කටුවැල්බටුත් රටින් ගෙන්වලා

2020-09-17 09:17:00       317
feature-top
දේශීයව වගා කළ හැකි කටුවැල්බටු ඖෂධය රුපියල් කෝටි තුනකට ආසන්න මුදලක් ගෙවා 2018 දී යහපාලන රජය විසින් මෙරටට ආනයනය කර ඇතැයි තොරුතුරු හෙළිව තිබේ.

ඒ අනුව කටුවැල්බටු කිලෝග්‍රෑම් 176,450 ක ප්‍රමාණයක් ආනයනය කර ඇති අතර මීට අමතරව වියළි නෙල්ලි, පත්පාඩගම් වැනි අමුද්‍රව්‍ය ද මෙරටට ආනයනය කිරීමට යහපාලන රජය කටයුතු කර ඇත.

මේ සම්බන්ධයෙන් අදහස් දක්වමින් දේශීය වෙදකම් ප්‍රවර්ධන, ග්‍රාමීය හා ආයුර්වේද රෝහල් සංවර්ධන සහ ප්‍රජා සෞඛ්‍යය රාජ්‍ය ඇමැති සිසිර ජයකොඩි මහතා පැවැසුවේ මෙරට වගා කළ හැකිව තිබියදී මෙම අමුද්‍රව්‍ය ආනයනය කිරීම ජාතික අපරාධයක් බවයි.

මේ වන විට දේශීය ඖෂධ නිෂ්පාදනය සඳහා අවශ්‍ය අමුද්‍රව්‍ය 130 ක් පමණ මේ වන විට විදේශීය රටවල්වලින් ආනයනය කරන බවත් ඉදිරි වසර තුනේ දී එම අමුද්‍රව්‍ය ආනයනය සියයට 50 ක් දක්වා අඩු කිරීමට සැලසුම් කර ඇති බවත් ජයකොඩි මහතා කීවේය.

More News »