දකුණු ආසියානු සම්බවයක් ඇති කාන්තාවක් පළමු වරට අමෙරිකානු ජනපති සටනට

2020-08-14 08:40:00       1072
feature-top
අමෙරිකානු ඩිමොක‍්‍රටික් පක්ෂ අපේක්ෂක ජෝ බයිඩන් විසින් සිය උප ජනාධිපති අපේක්ෂිකාව ලෙස කමලා හැරිස් නම් කර තිබෙනවා.

ඇය සැලකෙන්නේ අමෙරිකානු ජනාධිපතිවරණයක උප ජනාධිපති අපේක්ෂකත්වය හිමි වූ දකුණු ආසියානු සම්භවයක් ඇති පළමු කාන්තාව ලෙසයි.

එමෙන්ම අමෙරිකානු ජනාධිපතිවරණයක උප ජනාධිපති අපේක්ෂකත්වය හිමි වූ පළමු කළු ජාතික කාන්තාව ලෙසද කමලා හැරිස් ඉතිහාස ගත වනවා.

ඉන්දීය-ජැමෙයිකන් සම්භවයක් සහිත 55 හැවිරිදි කමලා හැරිස් පළමුව ඩිමොක‍්‍රටික් පක්ෂ ජනාධිපති අපේක්ෂකත්වය සඳහා තරග කළා. උප ජනාධිපති අපේක්ෂකත්වය සඳහා ඇයගේ නම ඉදිරිපත් වූයේ ඉන් අනතුරුවයි.

ඇය මෙම තනතුරට නම් කිරීමත් සමග අමෙරිකානු දේශපාලනයද උණුසුම් වී තිබෙනවා. අමෙරිකානු ජනාධිපති ඩොනල්ඞ් ට‍්‍රම්ප් දැනටමත් පවසා ඇත්තේ අමෙරිකානු ජනාධිපතිවරණයක උප ජනාධිපති අපේක්ෂකත්වය සදහා තරග වැදීමට කමලා හැරිස්ට කිසිදු සුදුසුකමක් නොමැති බවයි.

(under the courtesy of nethnews.lk news web)

More News »