මරණ දඩුවම නියම වූ පේ‍්‍රමලාල්ගේ ඉල්ලීමක් බන්ධනාගාරයෙන් අධිකරණ අමාතශංයට

2020-08-12 09:38:00       1001
feature-top
රත්නපුර දිස්ති‍්‍රක්කයෙන් මෙවර පාර්ලිමේන්තුවට තේරීපත් වූ මරණ දඬුවම නියම වී සිටින පේ‍්‍රමලාල් ජයසේකර බන්ධනාගාර දෙපාර්තමේන්තුවෙන් ඉල්ලීමක් කර තිබෙනවා. ඒ, ලබන 20 වනදා පැවැත්වෙන පාර්ලිමේන්තුවේ මංගල සැසිවාරය සඳහා තමන්ට එක්වීමට අවසර ලබාදෙන ලෙසයි.

පේ‍්‍රමලාල් ජයසේකර මේවනවිට රඳවා සිටින්නේ වැලිකඩ බන්ධනාගාරයේයි. ඔහු කළ ඉල්ලීම සම්බන්ධයෙන් උපදෙස් පැතීම සඳහා එය අධිකරණ අමාත්‍යංශය වෙත යොමුකළ බවයි බන්ධනාගාර දෙපාර්තමේන්තුව පැවසුවේ. 2015 ජනාධිපතිවරණ සමයේදී සිදුවූ පුද්ගල ඝාතනයක් සම්බන්ධයෙන් වරදකරු වූ පේ‍්‍රමලාල් ජයසේකරට ඉකුත් දා අධිකරණය මගින් මරණ දඬුවම නියම කෙරුණා.

ඔහු මේවනවිට ඊට එරෙහිව අභියාචනයක් ද ඉදිරිපත් කර තිබෙනවා. මෙවර මහ මැතිවරණයේදී ශ‍්‍රී ලංකා පොදුජන පෙරමුණෙන් රත්නපුර දිස්ති‍්‍රක්කයට තරග වැදුනු පේ‍්‍රමලාල් ජයසේකර මනාප ලැයිස්තුවේ දෙවැන්නා වූයේ එක්ලක්ෂ 4,237 ක මනාප සංඛ්‍යාවක් හිමිකර ගනිමින්.

(under the courtesy of nethnews.lk news web)

More News »