කොඩියේ මන්ත‍්‍රී මමයි.. නම ගැසට් කලාම එලියට එනවා..- ලේකම් හිමි සැගවී සිට කියති…

2020-08-10 05:27:00       947
feature-top
මෙවර මහ මැතිවරණයේදී ජාතික ලැයිස්තුවෙන් මන්ත්‍රී ධුරයක් හිමි වූ අපේ ජන බල පක්ෂයට එම මන්ත්‍රී ධුර ලබා ගැනීමට පස් දෙනෙකු අතර තියුණු සටනක් ඇතිවී තිබේ.

පූජ්‍ය අතුරලියේ රතන හිමි, පූජ්‍ය ගලගොඩඅත්තේ ඥානසාර ඥානසාර හිමි, පක්ෂයේ නායකයා, පක්ෂයෙන් තරග කළ සුනේත්‍රා සමරකෝන් යන අය මන්ත්‍රී ධූරය ඉල්ලා සිටින් නිසා මෙම තත්ත්වය ඇති වී තිබේ.

මේ අතර අපේ ජන බල පක්ෂය මහ ලේකම් වූයේ වේදිනිගම විමලතිස්ස හිමියන් තමන් මන්ත්‍රීවරයා බව පවසමින් මැතිවරණ කොමිසමට ලිඛිතව දන්වා ඇත.

ඒ හේතුව මත පක්ෂයේ මධ්‍යම කාරක සභාව රැස් වී මහ ලේකම් ධුරයෙන් විමලතිස්ස හිමියන් ඉවත් කර ඇත.

මේ අතර මැතිවරණ කොමිසමට තමන්ගේ නම යෝජනා කර ගැනීමෙන් අතුරුදහන්ව සිටින වේදියගම විමලතිස්ස හිමියන් සඳහන් කරන්නේ මන්ත්‍රීධූරය සඳහා පක්ෂය පස්දෙනකු පොරකන නිසා එම ගැටළුව විසඳීම වෙනුවෙන් තමන්ගේ නම ජාතික ලැයිස්තුවට ඇතුළත් කළ බවයි.

තමන්ගේ මන්ත‍්‍රී ධුරය කිසිවෙකුට අවලංගු කල නොහැකි බවත් තම නම මන්ත‍්‍රීවරයෙක් ලෙස ගැසට් කල පසු දැනට ආරක්‍ෂිතව සැගවී සිටින ස්ථානයෙන් එලියට එන බවත් උන් වහන්සේ සදහන් කර ඇත.
(under the courtesy of lankacnews.com news web)

More News »