කොරෝනා ආසාධිතයන් හමුවු ප්‍රදේශ පිළිබඳ අසත්‍ය ප්‍රචාර පැතිරේ

2020-07-15 02:34:00       823
feature-top
නව්‍ය කොරෝනා ආසාදිතයින් ඇසුරු කළ පුද්ගලයින් සොයා සෞඛ්‍ය නිලධාරීන් පැමිණ පරීක්ෂණ සිදු කිරීමේදී, එම කි‍්‍රයාවලි සම්බන්ධයෙන් මහජනතාව අනියත බියක් ඇතිකර ගත යුතු නොවන බව යුද හමුදාපති ලූතිතන් ජෙනරාල් ශවේන්ද්‍ර සිල්වා පවසනවා.

ඇතැම් ප‍්‍රදේශවලින් කොරෝනා ආසාදිතයින් වාර්තා වී ඇති බවට ඇතැමුන් ප‍්‍රකාශ කළ ද ඒවායේ සත්‍යතාවයක් නොමැති බවයි යුද හමුදාපතිවරයා කියා සිටියේ.

කන්දකාඩු පුනරුත්ථාපන මධ්‍යස්ථානයේ රඳවා සිටින සහ එහි උපදේශකවරුන්ගේ ආශ‍්‍රිතයින් අතරින් නව්‍ය කොරෝනා වෛරසය ආසාදනය වී ඇති බවට තහවුරු වී ඇත්තේ 24 දෙනෙකු පමණක් බවයි යුද හමුදාපති ලූතිතන් ජෙනරාල් ශවේන්ද්‍ර සිල්වා වැඩිදුරටත් සඳහන් කළේ.

නව්‍ය කොරෝනා ආසාදිත බවට මෙරටදී හඳුනාගෙන ඇති ඇති සමස්ත පුද්ගලයින් ගණන 2,665 ක්. ඒ අතරින් 1,988 දෙනෙකු සුවය ලබා රෝහල්වලින් පිටව ගොස් තිබෙනවා. තවත් 666 දෙනෙකු තවදුරටත් රෝහල්ගතව ප‍්‍රතිකාර ලබන බවයි සෞඛ්‍ය අමාත්‍යාංශය සඳහන් කළේ.
(under the courtesy of nethnews.lk news web)

More News »