මාධ්‍යවේදියෙකුට බලපෑම් කළ නියෝමාල් රංගජීවට එරෙහිව පොලිස් පරීක්ෂණයක්

2020-07-11 09:04:00       815
feature-top
වැලිකඩ සිරකරු ඝාතන නඩුවේ විත්තිකරුවකු වන පොලිස් මත්ද්‍රව්‍යනාශක කාර්යාංශයේ හිටපු පොලිස් පරීක්ෂක නියෝමාල් රංගජීව මාධ්‍යවේදියෙකුට තර්ජන කළැයි කියන සිද්ධිය සම්බන්ධයෙන් පොලීසිය පරීක්‍ෂණ ආරම්භ කර තිබෙනවා.

ඒ, අදාළ සිද්ධිය පිළිබද මාධ්‍යවේදියා විසින් කොළඹ මහාධිකරණ පොලිස් මුරපොල වෙත කරන ලද පැමිණිල්ලකට අනුවයි.
 
පැමිණිල්ල ඉදිරිපත් කරමින් මාධ්‍යවේදියා චෝදනා කරන්නේ හිටපු පොලිස් පරීක්ෂක නියෝමාල් රංගජීව විසින් තමන්ට අමානුෂික ආකාරයෙන් සැළකු බවයි.

ඡායාරූප ගනිමින් සිටි තමන්ව ඔහු විසින් බලහත්කාරයෙන් අධිකරණ පොලිස් මුරපොළ වෙත රැගෙන ගොස් ලබාගත් ඡායාරූප දත්ත බලහත්කාරයෙන් ලබාගත් බවටයි මාධ්‍යවේදියා පවසා ඇත්තේ.

ඔහු මෙම සිද්ධියට මුහුණපා ඇත්තේ නඩු විභාගයන් ආවරණය කිරීම සඳහා කොළඹ මහාධිකරණ පරිශ‍්‍රය තුළ රැඳී සිටි අවස්ථාවේදීයි.
(under the courtesy of nethnews.lk news web)

More News »