MCC ගිවිසුම දැනටමත් අත්සන් කරලා.. එය ඉරාදමන්න ජනපතිට තනිවම බෑ.. පාර්ලිමේන්තුවේ 2/3 බලයක් දෙන්න..

2020-06-30 09:56:00       309
feature-top
ඇමරිකාව සමග MCC ගිවිසුමේ අදියර දෙකක් පසුගිය රජය විසින් අත්සන් කර ඇති බව දැනටමත් අනාවරණය වී අවසන් බව ජාතික නිදහස් පෙරමුණේ නායක අමාත්‍ය විමල් වීරවංශ මහතා සඳහන් කරයි.

අදාල ගිවිසුම් සමාලෝචනය කිරීමට පත් කරන ලද කමිටු වාර්තාවේ ඒ බව පැහැදිලිව සඳහන් වී ඇතැයිද ඒ මහතා පැවසීය.

ජනාධිපති ගෝඨාභය රාජපක්ෂ මහතාට ලබාදී ඇති තනි බලයෙන් මෙම ගිවිසුම් ඉරා විසි කළ නොහැකි බවත් හොරට හෝ අත්සන් කර ඇත්තේ රටවල් දෙකකට අදාළ ගිවිසුම් නිසා මේවා අහෝසි කිරීමට නම් පාර්ලිමේන්තුවේ තුනෙන් දෙකක බලයක් අවශ්‍ය බවත් ඔහු සඳහන් කළේය.

ඇමරිකා එක්සත් ජනපදය පසුගිය ආණ්ඩුව කාලයේ MCC කාර්යාලයක් අරලියගහ මැදුරේ පවත්වාගෙන ගොස් තිබුණ ද මේ වන විට එය දෙහිවල ප්‍රදේශයේ තැනක ස්ථානගත කර ඇතැයිද ඔහු පැවසීය.

ඒ ඉදිරියේදී මෙම ගිවිසුම අත්සන් කිරීමට හැකි වෙතැයි බලාපොරොත්තු බවත් වත්මන් ආණ්ඩුවට තුනෙන් දෙකක දැවැන්ත බලයක් ලබා දී ගිවිසුමට අහෝසි කිරීමට අවශ්‍ය වටපිටාව සකස් කළ යුතු බව ද ඔහු කියා සිටියේය.

හිටපු ඇමතිවරයා මේ බව කියා සිටියේ මහමැතිවරණය වෙනුවෙන් පැවති ජන හමුවක් අමතමිනි.
(under the courtesy of lankacnews.com news web)

More News »