ගෝටාභයගේ ඇමරිකා පුරවැසිකම අහෝසියේ ලේඛණ මා දුටුවා.. ඔහු අපේක්‍ෂකත්වයට සුදුස්සෙක්..- සජිත් පිල හාන්සි කරමින් මැකො සභාපති කියයි..

2019-11-13 11:33:00       734
feature-top
ශ්‍රී ලංකා පොදු ජන පෙරමුණේ ජනාධිපතිධූර අපේක්ෂක, හිටපු ආරක්ෂක ලේකම් ගෝඨාභය රාජපක්ෂ මහතාගේ ඇමරිකානු පුරවැසිභාවය අහෝසි කර ගැනීම සම්බන්ධයෙන් සියලු ලිපි ලේඛන තමන් වෙත ඉදිරිපත් කරන ලද බව මැතිවරණ සභාවේ සභාපති මහින්ද දේශප්‍රිය මහතා සඳහන් කළේය.

ඉකුත් අගෝස්තු මාසයේදී දිනක ඒ මහතා විසින්ම නීතිඥවරුන් කිහිපදෙනකු ද සමග මෙම ලේඛන ඉදිරිපත් කළ බවද සභාපතිවරයා පැවසීය.

මහින්ද දේශප්‍රිය මහතා මේ බව සඳහන් කර ඇත්තේ අද දිනපතා පුවත්පතක සාකච්ඡාවක් ලබාදෙමිනි.

මේ අතර ඊයේ දිනයේ මහින්ද දේශප්‍රිය සභාපතිවරයා බීබීසිය වෙත සඳහන් කරන ලද්දේ මැතිවරණ කොමිෂන් සභාව ලෙස ලැබී ඇති බලතලවලින් එපිට කිසිදු අපේක්ෂකයෙකුගේ සුදුසුකම සම්බන්ධයෙන් කිසිදු ලේඛනයක පිටපත් බාර නොගත් බවත් මැතිවරණ පනතට අදාල නොවන කිසිදු ලේඛනයක් ඉල්ලා නොසිටි බවත්ය.

ඒ අනුව දැනට අපේක්ෂකත්වය පිළිගෙන දෙන සියලු දෙනාම මැතිවරණ පනත අනුව ජනාධිපති අපේක්‍ෂකත්වයට සුදුස්සන් බවත් ඔහු පැවසීය.
(under the courtesy of lankacnews.com news web)

More News »