මං රට ගිය කිසිම අවස්ථාවක 10ට වඩා එක්ක ගිහින් නෑ.. හැම තැනකින්ම රටට යමක් ගෙනාවා..- ජනපති

2019-06-26 01:33:00       571
feature-top
තම විදේශ සංචාර පිළිබඳව වැරදි ප්‍රවෘත්ති පළවෙන බවත් තමන් එක්වූ සෑම විදේශ සංචාරයක්ම තමන්ට ලැබුණ ආරධනා බවත් ජනපති මෛත්‍රීපාල සිරිසේන මහතා පවසයි.

“මගේ විදේශ සංචාර පිළිබඳව වැරදි ප්‍රවෘත්ති පළවෙනවා. මම විදේශ සංචාර යනකොට පසුගිය අවුරුදු 4 හමාරක කාලය තුළ කිසිම අවස්ථාවක 10 දෙනෙකුට වඩා අරගෙන ගිහින් නෑ.

වැඩිම ගණන 10ක්. තජිකිස්ථානයේ සමුළුවට මමත් එක්ක ගියේ ආණ්ඩුකාරවරු දෙන්නෙකුයි. පාර්ලිමේන්තු මන්ත්‍රීවරයෙකුයි. උදේ කියනවා 50ක නියෝජිත පිරිසක් එනවා කියලා.

සමහර රේඩියෝ පුනපුනා කියනවා. මම දන්නවා හදලා දුන්න තැනත්. ඔහේ කියනවා. අඩුම තරමින් මගේ මාධ්‍ය ඒකකයෙන්වත් අහන්නේ නෑ.

මගේ මුළු නිලකාලය තුළ මම ඉල්ලලා හෝ මගේ පුද්ගලික උවමනාවකට මම ගිහින් නෑ. හැම එකක්ම මට ලැබුණ ආරාධනා. එහේ ගියාම මම ඉන්න හෝටලයත් නිකම් දෙන්නේ.

ජාත්‍යන්තර සමුළුවලට ආරාධනා කළාම ශ්‍රී ලංකාව කියලා නම ගහලා තිබෙනවා. ගියේ නැත්නම් පුටුව හිස්. මම යන හැම සමුළුවකින්ම රටට යමක් ගෙනත් තිබෙනවා.”
(under the courtesy of lankacnews.com news web)

More News »