ජුලි 01වැනිදා සිට දීමනාව රුපියල් 5000සක් වෙයි

2019-06-13 11:13:00       692
feature-top
විශේෂ හැකියාවන් සහිත පුද්ගලයන් සඳහා ලබා දෙන මාසික දීමනාව රුපියල් 2,000 කින් වැඩි කිරීමට රජය තීරණය කර තිබෙනවා. මෙම වැඩි කිරීම ජූලි 01 වැනිදා සිට ක්‍රියාත්මක කිරීමට නියමිත අතර ඒ අනුව විශේෂ හැකියාවන් සහිත පුද්ගලයකු වෙනුවෙන් ලැබෙන මාසික දීමනාව රුපියල් 5,000 දක්වා ඉහළ යනු ඇති.

සමාජ සවිබල ගැන්වීමේ අමාත්‍යාංශය යටතේ ලියාපදිංචි 32,000ක් පමණ වන පුද්ගලයන් හට මෙතෙක් රුපියල් 3,000ක් බැගින් මෙම දීමනාව ගෙවනු ලැබුවා.  එයට අමතරව ගෙවීම් අපේක්ෂාවෙන් තවත් පුද්ගලයෝ 40,000ක් පමණ එහි ලියාපදිංචි වී සිටිනවා.

මුදල් අමාත්‍ය මංගල සමරවීර 2019 අයවැය මගින් යෝජනා කළ පරිදි අලුතෙන් ලියාපදිංචි වූ පුද්ගලයන් 40,000 ඇතුළු විශේෂ හැකියාවන් සහිත පුද්ගලයන් 72,000ටම ජූලි මස පළමු වැනි දා සිට මෙම වැඩිකළ මුදල සමග රු. 5,000 දීමනාව ගෙවනු ලැබේ.

2019 අයවැය යෝජනාව අනුව ක්‍රියාත්මක මෙම දීමනාව ඉහළ නැංවීම වෙනුවෙන් මෙම වසර සඳහා රුපියල් මිලියන 4350ක් වෙන් කර තිබෙනවා.

මෙම ගෙවීම් කිරීම සඳහා අනුමැතිය ලබා දෙන චක්‍රලේඛය ප්‍රාථමික කර්මාන්ත සහ සමාජ සවිබල ගැන්වීමේ අමාත්‍යාංශය වෙත මහා භාණ්ඩාගාරය විසින් 11 වැනිදා නිකුත් කර තිබෙනවා.

(under the courtesy of nethnews.lk news web)

More News »