අලුගෝසු තනතුරේ සම්මූඛ පරීක්ෂණ 27 සහ 28 දා

2019-03-23 01:52:00       604
feature-top
අලුගෝසු තනතුරට සුදුසුකම් ලැබූ පිරිස් ලබන 27 සහ 28 දෙදින සම්මුඛ පරීක්‍ෂණ සදහා කැදවන බව බන්ධනාගාර දෙපාර්තමේන්තුව පවසනවා. මීට පෙර එම සම්මුඛ පරීක්‍ෂණ ඊයේ සහ පෙරේදා යන දෙදින පැවැත්වීමටයි කටයුතු කර තිබුණේ.

එහෙත් එම සම්මුඛ පරීක්‍ෂණ කල් දැමීමට බන්ධනාගාර දෙපාර්තමේන්තුව පියවර ගත්තා. ලබන සතියේ පැවැත්වෙන සම්මුඛ පරීක්‍ෂණ සදහා කැදවා ඇති පුද්ගලයන් සංඛ්‍යාව 79 ක්.

වදක තනතුර සදහා අමෙරිකානු ජාතිකයෙකු ඇතුළු 102 දෙනෙකු ඉල්ලූම්පත් එවා තිබූ බව බන්ධනාගාර ආරංචි පැවසුවා. කෙසේවෙතත් එම පිරිසෙන් 23 දෙනෙකු සම්මුඛ පරීක්‍ෂණවලින් ඉවත් කෙරුණේ අවශ්‍ය සුදුසුකම් සපුරා නොතිබීම හේතුවෙන්.

බන්ධනාගාර මූලස්ථානයේ පැවැත්වෙන එම සම්මුඛ පරීක්‍ෂණවලින් වදක තනතුරට පුද්ගලයින් දෙදෙනෙකු තෝරා ගැනීමට නියමිතයි. එලෙස තෝරා ගන්නා දෙදෙනාට සතියක පුහුණුවක් ලබාදීමට නියමිතව තිබෙනවා.
 


(under the courtesy of nethnews.lk news web)

More News »