එජාප පෙරමුණත් අඩපණ වෙයි රාජිතට - චම්පිකට ඇතුළෙන්ම කැපිලි

2019-01-12 04:57:00       580
feature-top
ඉදිරි මැතිවරණයේදී මුහුණදීම සඳහා එක්සත් ජාතික පෙරමුණ යළිත් ගොඩනැගීමට මූලික ව කටයුතු කළ රාජිත සේනාරත්න සහ පාඨලී චම්පික රණවක යන අයට එක්සත් ජාතික පක්ෂයේ පසුපෙළ මන්ත්‍රීවරුන්ගේ විරෝධය එල්ල වීම නිසා එම පෙරමුණේ කටයුතු අඩාල වී ඇති බව වාර්තා වේ.

එක්සත් ජාතික පක්ෂයේ ඉදිරිපෙළ නායකයන්ගේ උවමනාව මත එම පක්ෂයේ පසුපෙළ මන්ත්‍රීවරුන් ඊට විරෝධය දක්වා ඇත.
නම හෙළි කිරීම්ට අකමැති වූ එක්සත් ජාතික පක්ෂයේ පසුපෙළ මන්ත්‍රීවරයෙක් සඳහන් කළේ රාජිත හා චම්පික සූදානම් වන්නේ සිය මන්ත්‍රීවරුන්ගේ කරෙන් ගොස් පක්ෂයේ බලය ඇල්ලීමට බවයි. ‘‘ආයෙ අපි රැවටෙන්නෙ නෑ අලුත් පෙරමුණ කිව්වට මේකට අලුතෙන් කවුරුත් එකතු වෙන පාටක් නෑ. පසුගිය මහ මැතිවරණයේදී හිටි පක්ෂමයි ඉන්නේ. මේ දෙන්න ලෑස්ති වෙන්නේ පක්ෂයේ බලය අල්ලන්න. ඒ නිසා ජනාධිපතිවරණයට ඉදිරිපත් කළ යුත්තේ එජාප අපේක්ෂකයෙක් මිස එක්සත් ජාතික පෙරමුණේ අපේක්ෂකයෙක් නොවෙයි.“ යැයි මන්ත්‍රීවරයා පැවසීය.

මේ සම්බන්ධයෙන් පසුගිය 8 වැනිදා පාර්ලිමේන්තුවේ පැවති එක්සත් ජාතික පක්ෂ කණ්ඩායම් රැස්වීමෙන් පසුව ද පසුපෙළ මන්ත්‍රීවරු කිහිප දෙනෙක් එක්ව සාකච්ඡා කර ඇති බව වාර්තා වේ.

lanka lead news

More News »