ඉන්දුනීසියානු භූමිකම්පාවෙන් පුද්ගලයින් 82ක් මරුට (PHOTOS/VIDEO)

ඉන්දුනීසියාවේ ලොම්බෝක් දුපතේ සිදුවූ රිච්ටර් ඒකක 7.0 ක අගයකින් යුත් ප්‍රබල භූමිකම්පාවෙන් මේ දක්වා මිය ගිය පුද්ගලයින් සංඛ්‍යාව 82 ක් බව එරට ආපදා කළමනාකරණ ඒකකය සදහන් කරනවා. තවත් 100 කට වැඩි පිරිසක් තුවාල ලබා ඇති බවයි බලධාරින් සදහන් කරන්නේ.

ලොම්බෝක් දුපතට බලපෑ භූමිකම්පාවේ ප්‍රබලත්වය අසල පිහිටි බාලි දුපතට දැනි තිබෙන බවයි විදෙස් මාධ්‍ය වාර්තා සදහන් කරන්නේ.

මේ අතර ලොම්බෝක් දුපතේ ඇතැම් ස්ථාන වල විදුලිය සහ ජල සැපයුම් විසන්ධිවී ඇති අතර නිවාස ඇතුළු ගොඩනැගිලි රැසක් විනාශ වී ඇති බව වාර්තා වනවා.

සංචාරකයින් අතර බෙහෙවින් ප්‍රසිද්ධ ලොම්බෝක් සහ බාලි දුපත් හි සිටින විදෙස් සංචාරකයින් සහ ඉන්දුනීසියානු වැසියන් මේ වන විට තාවකාලිකව ඉදිකර ඇති ආරක්‍ෂිත ස්ථාන වල සිටින බව මාධ්‍ය වාර්තා සදහන් කර සිටිනවා.