සමෘද්ධි අමාත්‍යංශය ෆොන්සේකා

2018-04-28 11:48:00       823
feature-top
ඉදිරි කැබිනට් සංශෝධනයේදී මෙතෙක් ශ්‍රීලනිපය සතුව පැවති සමෘද්ධි (සමාජ සවිබල ගැන්වීම්) අමාත්‍යංශය අමාත්‍ය සරත් ෆොන්සේකා මහතා වෙත ලබාදීමට අගමැතිවරයා නිර්දේශ කර ඇතැයි අගමැති කාර්යාල ආරංචිමාර්ග පවසයි.

සම්මුතිවාදී ආණ්ඩුවේ තුල එක්සත් ජාතික පක්ෂයට හා ශ්‍රී ලංකා නිදහස් පක්ෂයට වෙන්කර ගෙන තිබු අමාත්‍යංශ විෂය පථයන් කිහිපයක් ඉදිරි කැබිනට් සංශෝධනයේදී දෙපාර්ශවය අතර හුවමාරු කර ගැනීමට ජනාධිපතිවරයා හා අගමැතිවරයා එකඟතාවයට පත්ව ඇති අතර එහිදී රටේ දිළිඳු භාවයට ස්ථිර විසඳුමක් පිරිනැමිමට එක්සත් ජාතික පක්ෂය සමෘධි අමාත්‍යංශය ඉල්ලා ඇතැයි නියෝජ්‍ය ඇමති අජිත් පි. පෙරේරා මහතා පසුගියදා පැවසිය.

සමෘද්ධි (සමාජ සවිබල ගැන්වීම්) අමාත්‍යංශය එක්සත් ජාතික පක්ෂයට ලැබිම නව ගමනකට රට යොමු කිරිමට අවශ්‍ය ජවය හා ශක්තිය ලැබිමක් බව ඔහු කියා සිටියි.

ඉදිරි කැබිනට් සංශෝධනයේදී මෙතෙක් ශ්‍රීලනිපය සතුව පැවති සමෘද්ධි (සමාජ සවිබල ගැන්වීම්) හා කම්කරු අමාත්‍යංශ විෂය පථයන් එක්සත් ජාතික පක්ෂය වෙතත් එක්සත් ජාතික පක්ෂයට වෙන්කර දී තිබු උසස් අධ්‍යාපන හා රාජ්‍ය පරිපාලන අමාත්‍යංශ විෂය පථයන් ශ්‍රීලනිපය වෙතත් පැවරීමට නියමිතව ඇතැයි ආණ්ඩුවේ  අභ්‍යන්තර ආරංචිමාර්ග පවසයි.
(under the courtesy of srilankamirror.lk news web)

More News »