දේශපාලන පිටියේ රංගේ බණ්ඩාරට පොලිස් අධිකාරී තනතුරට උසස් වීමක්

2017-12-24 10:18:00       691
feature-top
පොලිස් සේවයේ යෙදී සිටියදී දේශපාලන පලිගැනීම්වලට ලක්වූ නිලධාරියෙකු වන වත්මන් රජයේ වාරිමාර්ග රාජ්‍ය අමාත්‍ය පාලිත රංගේ බණ්ඩාර මහතා සහකාර පොලිස් අධිකාරී තනතුරට උසස් කර විශ‍්‍රාම ගැන්වීමට අදාලව ජාතික පොලිස් කොමිෂම විසින් නිර්දේශ කර තිබේ. 

නීතිය හා සාමය පිළිබඳ අමාත්‍යශයේ ලේකම්වරයා වෙත යොමු කර ඇති එම නිර්දේශයේ දැක්වෙන්නේ 2000 වසරේ අගෝස්තු මස 24 දා සිටි නැවත සේවයේ පිහිටුවා 2000 වසරේ අගෝස්තු මස 27 දා සිට බලපැවැත්වෙන පරිදි ඔහු සහකාර පොලිස් අධිකාරී ධූරයට උසස් කිරීමට පියවර ගන්නා ලෙසයි. 

අමාත්‍ය මණ්ඩලය විසින් ගනු ලැබූ ප‍්‍රතිපත්තීමය තීරණයකට අදාලව මෙම නිර්දේශය ලබා දෙන බවත් ජාතික පොලිස් කොමිෂමේ ලේකම්වරයා මෙම නියෝගය ලිඛිතව අමාත්‍යංශ ලේකම්වරයා වෙත යොමු කර තිබේ.

එමෙන්ම හිග වැටුප් ගෙවීමකින් තොරව ඔහු විශ‍්‍රාම ගැන්වීමට පියවර ගන්නා ලෙසද එම නිර්දේශයේ සඳහන් වෙයි.

(under the courtesy of adaderana.lk news web)

More News »