ශ්‍රී ලංකාවට පොහොර දෙන ජාත්‍යන්තර සැපයුම්කරුවන් මෙන්න

2018-03-23 09:58:00       547
feature-top
2018 යල කන්නයේ වී වගාව සඳහා, කෘෂිකර්ම අමාත්‍යාංශය යටතේ ඇති සීමාසහිත ලංකා පොහොර සමාගම (ලක් පොහොර) සහ සීමාසහිත කොමර්ෂල් පොහොර සමාගම (කොමර්ෂල් පොහොර) මඟින් බෙදා හැරීමට අවශ්‍ය රසායනික පොහොර ප්‍රසම්පාදනය කිරීම සඳහා අමාත්‍ය මණ්ඩලයේ අනුමැතිය ලබා දෙනු ලැබ තිබේ. ඒ සඳහා ජාත්‍යන්තර සැපයුම්කරුවන් වෙතින් මිල ගණන් කැඳවනු ලැබ තිබේ.

ඒ අනුව, අමාත්‍ය මණ්ඩලය විසින් පත් කරන ලද විශේෂ ස්ථාවර ප්‍රසම්පාදන කමිටුවේ නිර්දේශ පරිදි, යූරියා - ග්‍රැනියුලා පොහොර මෙට්‍රික් ටොන් 01ක් ඇමරිකානු ඩොලර් 307.18 බැගින් මෙට්‍රික් ටොන් 24,000ක් M/s. Ameropa Asia (Pvt) Ltd. වෙතින්ද, ට්‍රිපල් සුපර් පොස්පේට් මෙට්‍රික් ටොන් 1ක් ඇමරිකානු ඩොලර් 333.5 බැගින් මෙට්‍රික් ටොන් 18,000ක් M/s. Agri Commodities & Finance FZE වෙතින්ද මිලදී ගැනීමටත්, මියු‍රියේට් ඔෆ් පොටෑෂ් පොහොර මෙට්‍රික් ටොන් 01ක් ඇමරිකානු ඩොලර් 315.85 බැගින් මෙට්‍රික් ටොන් 18,000ක් M/s. Agricultural Resources and Investment (Pte) Ltd. වෙතින් මිල දී ගැනීමටත් කෘෂිකර්ම අමාත්‍ය දුමින්ද දිසානායක මහතා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.

(under the courtesy of adaderana.lk news web)

More News »