TharunayaSinhala News →Stay alert → 2017-01-11 04:31:00

අවධානයෙන් සිටින්න! පොලීසියෙන් පණිවුඩයක්
2017-01-11 04:31:00
Views : 6050

කැලණිය ප්‍රදේශයේ ආයුධ සන්නද්ධ කොල්ලකෑම් සිදුකරන කණ්ඩායමක් අත්අඩංගුවට ගැනීම සඳහා විමර්ශන ආරම්භ කර ඇති බව පොලීසිය පවසයි.

ඒ සඳහා විශේෂ පොලිස් කණ්ඩායම් යොදවා ඇති අතර මෙම කොල්ලකරුවන් සම්බන්ධයෙන් අවධානයෙන් සිටින  ලෙස පොලිස් මුලස්ථානය ප්‍රදේශයේ ජනතාවට දැනුම් දෙයි.

පුද්ගලයින් දෙදෙනෙකුගෙන් සමන්විත මෙම කණ්ඩායම මුහුණු ආවරණය කරන ලද හිස්වැසුම් සහිතව කළු පැහැති යතුරුපැදිවලින් පැමිණ කොල්ලකෑම් සිදුකරන බවට තොරතුරු ලැබී ඇති බව පොලීසිය පවසයි.

වත්තල, කිරිබත්ගොඩ, වැලිසර, ජා ඇල යන පොලිස්වසම්වල මොවුන් විසින් කොල්ලකෑම් සිදුකර ඇති බව සඳහන්ය.

මාර්ගයේ ගමන් ගන්නා මගීන් සතු දේපල මෙන්ම ඉන්ධන පිරවුම්හල් සහ මූල්‍ය ආයතන දෙකක් ද ඔවුන් විසින් කොල්ලකා ඇති බව පොලිස් මූලස්ථානය පෙන්වා දෙයි.


(under the courtesy of adaderana news web)

    All Stories