ශ්‍රී ලංකාව දැන් යථා තත්ත්වයට පත් වෙලා

Jun 04, 2019 09.34am
feature-top
කැබිනට් නොවන ඇමැති සුජීව සේනසිංහ

පසුගිය දිනවල ඇති වූ තත්ත්වයෙන් පසුව රට නැවත යථා තත්ත්වයට පත් වී තිබෙන බව ප්‍රකාශ කිරීමට ශිල්ප සේනා වැඩසටහන හරහා අවස්ථාව ලැබෙන බවත් මේ වැඩසටහන දිස්ත්‍රික්ක සියල්ලේම දියත් කිරීම හරහා රටේ දළ ජාතික නිෂ්පාදනය දෙගුණයකින් වැඩි කරගැනීමට හැකි වන බවත් විද්‍යාව තාක්ෂණ හා පර්යේෂණ ( කැබිනට් නොවන ) අමාත්‍ය සුජීව සේනසිංහ මහතා පැවසීය.

ඒ මහතා මේ බව පැවසුවේ බත්තරමුල්ල සෙත්සිරිපාය,විද්‍යාව,තාක්ෂණ හා පර්යේෂණ අමාත්‍යාංශයේ දී ඊයේ (03) පැවැති මාධ්‍ය සාකච්ඡාවට සහභාගී වෙමිනි.

එහිදී වැඩිදුරටත් අදහස් දැක්වූ ඇමැතිවරයා මෙසේ ද කීවේය.

ශ්‍රී ලංකාවේ ප්‍රථම වතාවට නැනෝ චන්ද්‍රිකාවක් ( රාවණ - 01) අභ්‍යාවකාශ ගත කිරීම සිදු වුණා.ඊට දායක වූ සිසුන් දෙදෙනා සඳහා ශිෂ්‍යත්ව ලබා දීම සිදු කර තිබෙනවා. ඉන් එක් සිසුවෙක් සඳහා සම්පූර්ණ ශිෂ්‍යත්වයක් ද අනික් සිසුවා සඳහා ආතර් සී ක්ලාක් ආයතනයෙන් මිලියන 21ක් ද වියදම් කර තිබෙනවා. මේ සඳහා ජපානය,නේපාලය දායකත්වය ලබා දී තිබෙනවා. ඉන් එක් සිසුවෙක් සඳහා ආචාර්ය උපාධිය ලබාගැනීමට අවශ්‍ය කටයුතු සිදුකර තිබෙනවා. ජපානය විශාල මුදල් ප්‍රමාණයක් වෙන් කර තිබෙනවා.

මේ චන්ද්‍රිකාව අභ්‍යවකාශ ගත කිරීම ශ්‍රී ලංකාව ලද විශාල ජයග්‍රහණයක්. මෙය අභ්‍යවකාශ ගත කිරීම ජූනි 17 සිදු කරනවා. එය අප රටට,අමාත්‍යාංශයට, ඒ සිසුන් ලද විශාල ජයග්‍රහණයක්.

උපුටා ගැනීම දිනමිණ පුවත් පත ඇසුරෙනි

More News »