ලක්ෂ 35ක කප්පම් ඉල්ලූ තරුණයින් දෙදෙනෙක් අත්අඩංගුවට

Jan 09, 2019 11.26am
feature-top
දුරකථනයෙන් තර්ජනය කර බියවද්දා මුදල් රුපියල් ලක්ෂ 35 ක් කප්පම් මුදල් වශයෙන් ලබා ගැනීමට තැත් කිරීම සම්බන්ධයෙන් පුද්ගලයෙන් දෙදෙනෙකු  අත්අඩංගුවට ගෙන තිබේ.
 
මිරිහාන විශේෂ අපරාධ මෙහෙයුම් ඒකකය මගින් මෙම අත්අඩංගුවට ගැනීම සිදු කර ඇතැයි පොලිස් මාධ්‍ය ප්‍රකාශක කාර්යාලය සදහන් කරයි.
 
හෝමාගම ප්‍රදේශයේ පදිංචි පුද්ගලයෙකුට දුරකථනයෙන් තර්ජනය කර බියවද්දා මුදල් රුපියල් ලක්ෂ 35 ක් කප්පම් මුදල් වශයෙන් ලබා ගැනීමට තැත්කිරීමක් සම්බන්ධයෙන් බස්නාහිර පළාත් දකුණ නියෝජ්‍ය පොලිස්පතිවරයා වෙත පැමිණිල්ලක් කර තිබේ.
 
ඒ අනුව මිරිහාන විශේෂ අපරාධ මෙහෙයුම් ඒකකයේ නිලධාරීන් විසින් වැඩිදුරටත් විමර්ශනය සිදුකර මෙම අපරාධය සිදුකිරීමට තැත් කිරීම සම්බන්ධයෙන් සැකකරුවන් දෙදෙනෙකු ජංගම දුරකථනයක් ද සමඟ ඊයේ(08) දින කඩුවෙල සහ හෝමාගම ප්‍රදේශයේ දී අත්අඩංගුවට  ගැනිණ.
 
අත්අඩංගුවට ගෙන ඇත්තේ වයස අවුරුදු 27 ක් වු කොරතොට, කඩුවෙල පදිංචිකරුවෙක් හා වයස අවුරුදු 31 වු වේකන්ද පාර, හෝමාගම ලිපිනයේ පදිංචිකරුවෙකි.
 
සැකකරුවන්  අද(09) දින හෝමාගම මහේස්ත්‍රාත් අධිකරණය වෙත ඉදිරිපත් කිරීමට නියමිතය. මිරිහාන විශේෂ අපරාධ මෙහෙයුම් ඒකකයේ වැඩිදුර විමර්ශන ක්‍රියාත්මක කරනු ලැබේ.



උපුටා ගැනීම දිනමිණ පුවත් පත ඇසුරෙනි

More News »