තවත් මුදල් මංකොල්ලයක්

Nov 02, 2018 11.08am
feature-top
වව්නියාව, ඉරට්ටපෙරියකුලම ප්‍රදේශයේ පවත්වාගෙන ගිය ඉන්ධන පිරවුම්හලක මුදල් බැංකුගත කිරීමට රැගෙන යන අවස්ථාවේ කිසියම් කණ්ඩායමක් අදාළ මුදල් සොරාගෙන ගොස් ඇති බව වව්නියාව පොලීසිය පවසයි.

‍පොලීසිය පැවසුවේ ඉන්ධන පිරවුම්හලක සේවකයෙකු ඉන්ධන පිරවුම්හල ගනුදෙනු මඟින් එක්වු රුපියල් ලක්ෂක දහයක මුදලක් බැංකුගත කිරීමට රැගෙන යන අවස්ථාවේ යතුරුපැදියකින් පැමිණි දෙදෙනෙකු විසින් අදාළ සේවකයාගෙන් මුදල් පැහැරගෙන ගොස් ඇති බවයි.

වව්නියාව නුවර මාර්ගයේ වව්නියාව තේක්කවත්ත ප්‍රදේශය ආසන්න ප්‍රදේශයේදී ඊයේ(01) සවස අදාළ මුදල් පැහැරගැනීම සිදුකොට ඇති බවද පොලීසිය පැවසීය.

මුදල් පැහැරගත් පිරිස අතුරුමාර්ග ඔස්සේ පළාගොස් ඇති බව පොලීසිය අනාවරණය කොටගෙන ඇත.

මුදල් සොරාගත් පිරිස අත්අඩංගුවට ගැනීමට පරීක්ෂණ මෙහෙයවන අතර, සිද්ධිය සම්බන්ධයෙන් වවුනියාව පොලීසිය වැඩිදුර පරීක්ෂණ මෙහෙයවයි.

උපුටා ගැනීම දිනමිණ පුවත් පත ඇසුරෙනි

More News »