ඇමසෝන්හි ජෙෆ් බෙසෝස් ලොව ධනවතා වෙයි

Jul 28, 2017 09.16am
feature-top
ඇමසෝන් සමාගමේ ප්‍රධාන විධායක නිලධාරී ජෙෆ් බෙසෝස් ලොව ධනවත් ලයිස්තුවේ ඉදිරියෙන්ම සිටි මයික්‍රො සොෆ්ට් නිර්මාතෘ බිල් ගේට්ස් අබිබවමින් අංක එකට පැමිණීමට සමත්ව තිබේ.

ෆෝබ්ස් සහ බ්ලූම්බර්ග් වාර්තා පෙන්වා දෙන්නේ  ඉ-වාණිජ ක්ෂේත්‍රයේ හා ක්ලවුඩ් පරිගණක සමාගමක් ලෙස ප්‍රකට ඇමසෝන් සමාගමේ වත්කම් ඇ.ඩො.බිලියන 90 ඉක්මවා යෑමත් සමග ඔහු ලොව අංක එකේ ධනවතා බවට පත්ව ඇති බවයි.

විශේෂයෙන්ම ඇමසෝන් සමාගමේ කොටසක අගය ඇ.ඩො.15කින් ක්ෂණික ඉහළ යෑමක් බදාදා දිනයේ කොටස් ගනුදෙනු අවසන් වනවිට පෙන්වීම තුළ ඔහුගේ වත්කම් වර්ධනය වී ඇති බවද සඳහන්.

කෙසේ වෙතත්, ජෙෆ් යනු දශක දෙකකට අධික කාලයක් ලෝකයේ ධනවතුන් ලැයිස්තුවේ ඉහළින්ම වැජඹුණු අයෙකි.

පසුගිය වසර දෙකක කාලය තුළ ඔහුගේ වත්කම්වල කැපීපෙනෙන වර්ධනයක් පෙන්වීය.

2016 වසරේ මේ කාලය වනවිට ලොව තෙවැනි ධනවතා ලෙස සිටි ජෙෆ්, එවකට ඔහුව අබිබවමින් සිටි බිල් ගේට්ස් සහ සාරා ආදි කර්තෘ ඇමනෝසිසෝ ඔර්ටේගා යන දෙදෙනාම මේ වනවිට පසු කරමින් අතිශය සුවිශේෂී තත්ත්වයක පසුවෙයි.



දිනමිණ පුවත්පත ඇසුරෙනි

More News »