හොර වෙද්දු 800ක් බියගම

Jan 25, 2017 09.26am
feature-top
දිවයිනේ වැඩිම හොර වෛද්‍යවරුන් ප්‍රතිකාර කරන්නේ බියගම මැතිවරණ කොට්ඨාසයේ බවත් එම හොර වෛද්‍යවරුන්ගේ ප්‍රමාණය 700 – 800ක් අතර වන බවත් බියගම සෞඛ්‍ය වෛද්‍ය නිලධාරි කුමාරි විජේසූරිය මහත්මිය පැවැසුවාය.

මේ ව්‍යාජ වෛද්‍යවරුන් නිසා බියගම මැතිවරණ කොට්ඨාසයේ පදිංචිකරුවන් දෙලක්ෂයකගේ පමණ ජීවිත දැඩි අවදානමක පවතින බව ද ඇය වැඩිදුරටත් කීවාය.

බියගම මැතිවරණ කොට්ඨාසයම ඩෙංගු දැඩි අවදානම් කලාපයක් ලෙස පවතින මේ අවධියේ එය පාලනය කරගැනීමට මෙවැනි ව්‍යාජ වෛද්‍යවරු විශාල ගැටලුවක් බවට පත්වී ඇතැයි ද කී ඇය මොවුන් නිකුත් කරන ඖෂධ ආසාත්මිකවීම නිසා රෝගීන් බරපතළ රෝගවලට මුහුණදුන් අවස්ථා විශාල ප්‍රමාණයක් වාර්තා වී ඇති බව ද කීවාය.

මේ වනවිට ඩෙංගු වෛරසය වෙනත් මුහුණුවරකින් මතුවීමට පටන්ගෙන ඇති බවත්, එම තත්ත්වයේදී උණ රෝගීන් සාමාන්‍ය ඩෙංගු තත්ත්වයේදී මෙන් නිවසේ රැඳී නොසිට වහාම රජයේ රෝහලකට ඇතුළත්විය යුතු බවත් කී සෞඛ්‍ය වෛද්‍ය නිලධාරිවරිය ව්‍යාජ වෛද්‍යවරුන් වැටලීමේ වගකීම සෞඛ්‍ය අමාත්‍යංශය සතු බවත් කීවාය.



ලංකාදීප පුවත්පත ඇසුරෙනි

More News »