පසුගිය ආණ්‌ඩුව 'කුණු හාල්' ගෙනත්; පාඩුව කෝටි 1500 ක්‌
Jan 08, 2017 09.35am

පසුගිය ආණ්‌ඩුවේ අවසාන කාලසීමාවේ ආනයනය කළ පාවිච්චියට නුසුදුසු සහල් මෙටි්‍රක්‌ ටොන් දසදහසකින් රුපියල් කෝටි එක්‌දහස්‌ පන්සියයක පමණ පාඩුවක්‌ සිදුවී ඇතැයි ඒ සම්බන්ධයෙන් කරන ලද ඉහළ පෙළේ පරීක්‍ෂණයකින් අනාවරණය වී තිබේ.

බංග්ලාදේශයෙන් ආනයනය කර ඇති මෙම සහල්වල තත්ත්වය පරීක්‍ෂා කිරීම සඳහා වෙළෙඳ අමාත්‍යාංශ නිලධාරීන් කිහිපදෙනෙක්‌ එරටට ගොස්‌ ඇතැයි ද එම පරීක්‍ෂණයේදී හෙළි වී ඇත.

පාවිච්චියට නුසුදුසු තත්ත්වයේ පවතින මෙම සහල් තොගය වරින්වර සත්ත්ව ආහාර සඳහා අලෙවි කර අවසන් කිරීමට බලධාරීන් උත්සාහ දරා ඇති නමුත් තවත් මෙටි්‍රක්‌ ටොන් හාරදහසක්‌ පමණ ආහාර දෙපාර්තමේන්තු ගබඩාවල පවතින බව දැනගන්නට තිබේ.

සහල් ආනයනය කිරීම සඳහා ණය ලබාගෙන ඇත්තේ රාජ්‍ය බැංකුවකිනි. එම ණය පියවීමට ද මෙතෙක්‌ හැකි වී නැත.

එවකට වෙළෙඳ ඇමැතිවරයා වූයේ ජොන්ස්‌ටන් ප්‍රනාන්දු මහතාය.

වත්මන් ආණ්‌ඩුව යටතේද සහල් මෙටි්‍රක්‌ ටොන් දසදහසක්‌ ආනයනය කිරීමට මේ වනවිට සැලසුම් කර තිබේ.

(දිනමිණ පුවත්පත ඇසුරෙනි)

Ads here
340 x 60
Rs. 10000/-