නිරතුරුවම නවකයින්ට අවස්ථාව ලබාදෙනවා රංගන ශිල්පිනී - මිෂෙල් දිල්හාරා

Nov 07, 2018 09.51am
feature-top
මම කලා කේෂ්ත්‍රයට පය ගහපු වෙලේ සිට ‘රසඳුන‘ පුවත්පත මට පුදුම ශක්තියක් වුණා. නවක රංගන ශිල්පිනියක යැයි නොසිතා රසඳුන වැනි කලා ලොවේ දැවැන්ත පුවත් පතක් ලබා දුන්න සහය නිසා මේ වන විට හොඳ ගමනක් එන්න හැකි වී තිබෙනවා.

අලුත් නාට්‍යයක් එළියට එන සෑම මොහොතකම රසඳුන පුවත්පත ලබා දෙන දිරිමත් කිරීම අගය කළ යුතුයි. ඒ වගේම රසඳුන පුවත් පතෙන් ලබාදුන් සම්මුඛ සාකච්ඡා නිසා දිගින් දිගට කලා කටයුතුවලට ආරාධනා ලැබීම් පවා වැඩි වෙන්න පටන් ගත්තා.

මම හිතන්නේ මට විතරක් නෙවෙයි කලා ලොවට එන සෑම නවකයකුට ම මෙම පුවත්පත ඒ අවස්ථාව ලබා දී තිබෙනවා. කලා පුවත් පතකින් විය යුත්තේ එවැනි දිරි ගැන්වීම් තමයි. එහෙම වුණාම අපිට තව තවත් දක්ෂතා පෙන්වමින් ඉදිරියට යන්න හැකිවෙනවා.

විශේෂයෙන්ම එක් දෙයක් කිව යුතුයි එහි කාර්ය මණ්ඩලය පවා ඉතා සුහදත්වයෙන් අපිව පිළිගනිමින් ලබාදෙන ගෞරවයට රංගන ශිල්පිනියක් ලෙස ස්තූතිය පළ කරන්න මේ අවස්ථාව උදා කරගන්නවා. දවසින් දවස රසඳුන පුවත්පත පුවත්පත් අතර ඉහළින්ම වැජඹේවායි ප්‍රාර්ථනා කරනවා. ඒ වගේම රසඳුන පුවත්පතට සුබ උපන්දිනයක් වේවායි ප්‍රාර්ථනා කරනවා.

උපුටා ගැනීම සිළුමින පුවත් පත ඇසුරෙනි

More News »